ताजा खबर

डक वर्थ लुइस नियम अनुसार पोखरा १४ रनले विजयी, राइनोज शिर्ष दुईमै

पोखरा १८, असोज

एभरेष्ट प्रिमियर लिग टी–२० क्रिकेट प्रतियोगिता अन्तर्गत सोमबारको खेलमा किङस–११ काठमाण्डौमाथि पोखरा राइनोजले जित निकालेको छ । वर्षातका कारण अवरुद्ध खेलमा डक वर्थ लुइस नियम अनुसार पोखरा १४ रनले विजयी भएको हो । राइनोज जितको नजिकै पुगेको अवस्थामा भारि वर्षात भएपछि खेल अवरुद्ध हुन पुग्यो । विजय उन्मुख पोखरालाई जितका लागि ४३ रनको खाँचो थियो । त्यतिबेला पोखरा १५ औं ओभरमा ५ विकेट गुमाएर १ सय ४२ रनको योगफलमा खेल्दै थियो । जितसंगै पोखरा पाँच खेलबाट ७ अंक सहित तालिकामा दोश्रो स्थानमै यथावत रहेको छ ।

टियु क्रिकेट मैदानमा पोखराले टस जितेर काठमाण्डौलाई ब्याटिङ्गको निम्तो दिएको थियो । काठमाण्डौले २० ओभरमा ८ विकेट गुमाउँदै १ सय ८२ रनको योगफल तयार पा¥यो । काठमाण्डौको ब्याटिङ्गमा अमित श्रेष्ठले ५६, रायन ब्रुलले ५० तथा कप्तान सन्दिप लामिछानेले ३१ रन जोड । पोखराको बलिङ्गमा विवेक कुमार यादवले ३ तथा नन्दन यादव र किशोर महतोले समान १–१ विकेट हात पारे ।

वर्षाले खेल रोकिनु अघि पोखराका सहन अर्चाचिगेले ४३ रन बनाए । विवेक यादवले ४१ तथा लोकेश बमले अविजित १८ बनाए । प्रारम्भिक ब्याट्सम्यान रिचार्ड लेभिले १८ रनको योगदान दिए । काठमाण्डौका बलरहरु गुल्सन झा र जितेन्द्र मुखियाले दुई दुई विकेट लिए भने सन्दिप लामिछानेले १ विकेट लिए ।

पोखराले यसअघि विराटनगर र ललितपुरलाई पराजित गरेको थियो । भैरहवासंगको खेल वर्षातका कारण अवरुद्ध हुन पुग्दा अंक बाँडेको पोखरा चितवन टाइगरसंग पराजित भएको थियो ।

Related posts