ताजा खबर

नेलम्बोद्धारा जनआन्दोलनका घाइते देखि वडा स्वास्थ्य चौकीसम्म करिब एक लाख भन्दा बढीको सहयोग

डि.एन.बी.
पाखरा ३०, जेठ

पोखरा स्थित नेलम्बो नेपालले जनआन्दोलनका घाइते देखि वडा स्वास्थ्य चौकीसम्म करिब एक लाख भन्दा बढीको स्वास्थ्य सामाग्री सहयोग गरेकोे छ । नेलम्बो नेपालले कोरोना रोकथाम र यसको व्यबस्थापनमा आफ्नो क्षेत्रबाट थोरै भएपनि सहयोग पुग्ने उद्धेश्यले पछिल्लो समयमा कास्की र स्याङजामा गरी करिब एक लाख भन्दा बढीको स्वास्थ्य सामाग्री सहयोग गरिएको संस्थाका अध्यक्ष एकदेव देवकोटाले बताए ।

२०६२÷०६३ का जनआन्दोलन घाइते उमनाथ शर्मालाई नेलम्बोले औषधीको साथमा खाद्य सामाग्री सहयोग गरेको छ । पर्वत महाशिला गाउँपालिका ५ घर भई हाल पोखराको सिमलचौर अस्थायि रुपमा बसोबास गर्दै आएका शर्मालाई कोरोनाले गर्दा हाल जीवन यापन गर्न कठिन भएकोले नेलम्बो नेपालले करिब एक महिनामालाई पुग्ने औषधी, खाद्य सामाग्री गरी ४ हजार ३ सय ८८ रुपैया बराबरको सहयोग गरेको अध्यक्ष देवकोटाले बताए ।

त्यसै गरी नेलम्बो नेपालले पोखरा महानगरपालिका वडा नम्बर १ को कार्यालयलाई २० हजार ७ सय ३२ रुपैया बराबरीका स्वास्थ्य सामाग्री सहयोग गरेको छ । त्यसै गरी नेलम्बो नेपालले पोखरा १ को वडा कार्यालयमा रहेको शहरी स्वास्थ्य केन्द्रलाई २८ हजार ३ सय १२ रुपैया मुल्य बराबरको आवश्यक स्वास्थ्य सामाग्री उपलब्ध गराएको छ ।

स्याङजाको गल्याङ नगरपालिका ६ मा बसोवास गर्ने करिब ४ हजार जनसङख्यालाई लक्षित गरी पोखरामा रहेको चिल्ड्रेन फेवफियर सिमि नेपाल (सिडव्लुएसएन) लाई ४९ हजार ४० रुपैया मुल्य बराबरको स्वास्थ्य सहयोग हस्तान्तरण गरिएको नेलम्बो नेपालले जनाएको छ । यस संस्थाले शिक्षा, स्वास्थ्य लगायतका क्षेत्रमा काम गर्दै आएको देवकोटाले जनाए ।

 

Related posts

Leave a Reply

Your email address will not be published. Required fields are marked *