डि.एन.बी.
पोखरा २९, चैत
पोखराको महतगौडामा गत माघ २३ गते बेलुका ९ः०० बजे गोली प्रहार गर्ने एक व्यत्ति गाली सहित पक्राउ परेका छन् । पर्वत मोदी गा.पा.८ चित्रेका २७ बर्षीय मनोज बि.क.लाई गोली प्रहार गर्ने बारा बरियापुर ४ स्थित पिपराबृताका ४५ बर्षीय राजकिशोर पाण्डेलाई कास्की प्रहरीले पक्राउ गरेको आइतबार पोखरामा आयोजित पत्रकार सम्मेलन जानकारी गराएको हो ।
पोखराको पामेमा बस्दै आएका घाइते मनोज बिकलाई पेटमा गोली हानी फरार भएका पाण्डेलाई कास्की प्रहरीले पोखराको सिमपानीबाट गोली सहित पक्राउ गरेसंगै आइतार नै सार्वजनीक समेत गरेको छ ।
पाण्डेको साथबाट प्रहरीले तीन थान गोली पक्राउ गरेको छ भने उनले कस्तो पेष्तोल प्रयोग गरेको र उनले प्रयोग गरेको पेष्तोल खोजी कार्य भई रहेको कास्कीका प्रहरी प्रमुख जीवन कुमार श्रेष्ठले बताए । प्रहरीले पाण्डेको साथबाट ७.६५ एम.एम.को तीन थान गोली सहित पर्स र मोवाइल बरामद गरेको एस.पी.श्रेष्ठले बताए । पाण्डेलाई ज्यान मार्ने मुद्धा र हातहतियार सम्बन्धि मुद्धा चलाइएको प्रहरीले जनाएको छ ।
वाइरिङ सम्बन्धि काम गर्दै आएका घाइते बि.क.को गण्डकी मेडिकल कलेजमा उपचार पश्चात हाल आफ्नै निवासमा आराम गर्दै बसेको एस.पी. श्रेष्ठले जनाए । पाण्डेले भने मेटल सम्बन्धि काम गर्दै आएको प्रहरीले जनाएको छ । कुनै घरमा वाइरिङ र मेटलको काम गर्दा पाण्डे र बि.क.बिच भनाभन समेत हुने गरेको प्रहरीको प्रारम्भिक अनुसन्धानबाट खुलेको छ । पाण्डेले बि.क.लाई गोली हानुको कारण भने हालसम्म पत्त लगाउन नसकिएको प्रहरीले जनाएको छ ।
