ताजा खबर

अर्चलवोट भलिवल प्रशिक्षक केन्द्रलाई स्व. महेश खड्का स्मृति क्लब स्तरीय भलिबल प्रतियोगिताको उपाधि

डि.एन.बी.
पोखरा १५, फागुन

पोखराको अर्चलवोट भलिवल प्रशिक्षक केन्द्रले स्व. महेश खड्का स्मृति क्लब स्तरीय भलिबल प्रतियोगिताको उपाधि जितेको छ । शनिबार पोखरा रंगशालाको भलिवल कोर्टमा भएको फाइनल खेलमा केन्द्रले एजु युवा क्लव ढुंगेपाटनलाई ३—० को सोझो सेटमा पराजित गर्दै उपाधि सहित नगद २५ हजार पुरस्कार प्राप्त गरेको हो ।

उपविजेता भएको टोली एजु क्लवले भने ट्रफीको साथमा १५ हजार रुपैया प्राप्त गरेको हो । यस अघि उत्त फाइनल खेलको गण्डकी प्रदेश सभा सदस्य बिन्दुकुमार थापाले रेफ्रिलाई बल हस्तान्तरण गरी खेलको शुभारम्भ गरेका थिए । प्रतिकुल मौसम (पानी परेको) कारण पुरुष तर्फको फाइनल खेल स्थगित भएको यूनाइटेड पोखरा क्लवका जापान गुरुङले बताए ।
स्याङजाको विधान स्पोटर्स क्लव मिरुवा र बागलुङको कलकोट युवा क्लव बिच आइतबार बिहान फाइनल खेल हुने भएको उनले जनाए । प्रतियोगितामा बिजेतालाई उपाधि सहित ८० हजार, उपविजेतालाई ५० हजार साथमा ट्रफी मेडल प्रमाणपत्र वितरण गरिने भएको छ । शुक्रबार सेमिफाइनल खेलका प्रमुख अतिथी गण्डकी प्रदेश सांसद रामजी प्रसाद बराल(जीवन)ले उत्त खेलले भलिवल खेलको विकासमा थप टेवा पुग्ने विश्वास व्यत्त गर्दै आवश्यक सहयोग गर्ने जनाए ।

गाँउका खेलाडीहरुको प्रतिभालाई उजागर गर्न यस्ता प्रतियोगिताहरु निरन्तर रुपमा आयोजना हुनु पर्नेमा उनको जोड थियो । प्रतियोगितामा पुरुष तर्फ १४ टिम र महिला तर्फ भने ६ टिमको मात्र सहभागिता रहेको क्लवका अध्यक्षअनिल गुरुङले बताए । प्रतियोगिता यही फागुन १२ गते देखि संचालन भएको थियो ।

Related posts

Leave a Reply

Your email address will not be published. Required fields are marked *