ताजा खबर

पुलिस टाइगर कप भलिवल प्रतियोगिताको फाइनलमा

डि.एन.बी.
पोखरा २९, माघ

नेपाल पुलिस क्लव पोखरामा जारी टाइगर कप आमन्त्रित राष्ट्रिय महिला तथा पुरुष क्लव च्याम्पियनसिप भलिवल प्रतियोगिताको फाइनलमा प्रबेस गरेको छ । महिला तर्फको खेलमा पुलिसले ६ अंक सहित फाइनलमा यात्रा बनाएको हो ।

न्यू डायमण्ड एकेडेमीले भने  ५ अंक सहित दोश्रो स्थानमा रहेको छ । विहिबार भएको खेलमा न्यू डायमण्डले विभागिय टोली नेपाल पुलिस क्लवलाई २७—२५, २९—३१, २७—२५ र २५—१६ को सेटमा पराजित गरेको हो । विहिबार भएको महिला तर्फको पहिलो खेलमा शसस्त्र प्रहरी वलको एपिएफले अर्को विभागिय टोली त्रिभुवन आर्मी क्लवलाई १८—२५, २७—२५, २५—१७, २०—२५ र १५—७ को सेटमा पराजित गरेको हो । आर्मी र एपिएफले भने समान २÷२ अंक प्राप्त गरेको प्रतियोगिताका टेक्निकल निर्देशक राजन पौडेलले बताए ।

पोखरा रंगशालामा विहिबार पुरुष तर्फको खेलमा त्रिभुवन आर्मी क्लवले एपिएफलाई सोझो तीन सेटमा पराजित गरेको हो । आर्मीले एपिएफलाई २५—२३,२५—२१ र २५—१८ को सेटमा पराजित गर्दै आर्मीले ३ अंक प्राप्त गरेको छ । घरेलु टिम गण्डकी प्रदेशले ३ अंक प्राप्त गर्दा नेपाल पुलिसले ४ अंक प्राप्त गरेको छ भने एपिएएफले २ अंक प्राप्त गरेको हो ।

शुक्रबार लिग चरणका अन्तिम महिला तथा पुरुष तर्फका तीन खेल हुने भएका छन्। प्रतियोगिताको फाइन खेल शनिबार हुने भएको टाइगर ग्रुपका अध्यक्ष नारायण शर्माले बताए । प्रतियोगितामा विजेता टोलीलाई जनही १ लाख ५० हजार, उपविजेता टोली महिला तथा पुरुषको टोलीलाई पनि जनही ७५ हजार, तेश्रो हुनेलाई ३५÷३५ र शान्त्वना हुनेलाई जनही १५÷१५ हजार प्रदान गरिने भएको छ । प्रतियोगितामा सर्वोउत्कृष्ट हुने महिला तथा पुरुष तर्फका एक एक जना खेलाडीलाई जनही २० हजार प्रदान गरिने भएको छ । त्यसै गरी प्रतियोगितामा उत्कृष्ट सर्भर, उत्कृष्ट सेटर, उत्कृष्ट ब्लकर, उत्कृष्ट डिफेण्डर र उत्कृष्ट स्पाइकरलाई जनही ५÷५ हजार पुरस्कार प्रदान गरिने भएको छ ।

Related posts

Leave a Reply

Your email address will not be published. Required fields are marked *