ताजा खबर

पोखरामा मंगलबार देखि टाइगर कप भलिवल प्रतियोगिता हुने

डि.एन.बी.
पोखरा २६, माघ

पोखरामा भोलि (मंगलबार) देखि टाइगर कप आमन्त्रित राष्ट्रिय महिला तथा पुरुष क्लव च्याम्पियनसिप भलिवल प्रतियोगिता २०७७ हुने भएको छ । पोखरा रंगशालामा हुने उक्त प्रतियोगिताको उद्घाटन खेल भने महिला तर्फ दुई विभागिय टोली नेपाल पुलिस क्लव बिरुद्ध शसस्त्र प्रहरी वलको एपिएफ क्लव बिच हुने भएको छ ।

उद्घाटन खेल विहान १०ः०० बजे पछि हुने त्यस पश्चात महिला तर्फकै त्रिभुवन आर्मी बिरुद्ध न्यू डायमण्ड एकेडेमी बिच दोश्रो खेल हुने भएको टाइगर ग्रुप अफ पोखरा नेपालले जनाएको छ । मंगलबार तेश्रो खेल पुरुष तर्फ घरेलू टिम गण्डकी प्रदेश बिरुद्ध नेपाल पुलिस क्लव बिच हुने भएको टाइगर ग्रुपका सचिव प्रकाश बरालले बताए । कोरोनाबाट प्रभावित भएको खेलकुद क्षेत्रलाई चलायमान बनाउने उद्धेश्यले पोखरा रंगशालामा मंगलबार देखि फागुन १ गतेसम्म उक्त प्रतियोगिता हुने भएको ग्रुपका अध्यक्ष नारायण शर्माले बताए ।

प्रतियोगितामा महिला तर्फ तीन विभागीय टोली सशस्त्र प्रहरी वल (एपिएफ) क्लब, त्रिभुवन आर्मी क्लब र नेपाल पुलिस क्लब काठमाण्डौं रहेका छन भने काठमाण्डौंको न्यु डायमन्ड एकेडेमी रहेका छन्। बिच राउण्ड रोविनका आधारमा लिग हुने भएको छ । त्यसै गरी पुरुष तर्फ भने गण्डकी प्रदेश सहित तीन विभागिय टोली सशस्त्र प्रहरी वल (एपिएफ) क्लब, त्रिभुवन आर्मी क्लब र नेपाल पुलिस क्लब काठमाण्डौं सहभागि भएका छन्। प्रतियोगितामा विजेता टोलीलाई जनही १ लाख ५० हजार, उपविजेता टोली महिला तथा पुरुषको टोलीलाई पनि जनही ७५ हजार, तेश्रो हुनेलाई ३५÷३५ र शान्त्वना हुनेलाई जनही १५÷१५ हजार प्रदान गरिने भएको छ ।

प्रतियोगितामा सर्वोउत्कृष्ट हुने महिला तथा पुरुष तर्फका एक एक जना खेलाडीलाई जनही २० हजार प्रदान गरिने भएको छ । त्यसै गरी प्रतियोगितामा उत्कृष्ट सर्भर, उत्कृष्ट सेटर, उत्कृष्ट ब्लकर, उत्कृष्ट डिफेण्डर र उत्कृष्टस्पाइकरलाई जनही ५÷५ हजार पुरस्कार प्रदान गरिने भएको छ ।

प्रतियोगिता सम्पन्न गर्न करिब ३० लाख खर्च लाग्ने र ५ लाख प्रतियोगिताबाट बचत गरी ग्रुपले सामाजिक क्षेत्रमा सहयोग गर्ने भएको प्रचार संयोजक तथा आवास संयोजक रामकृष्ण ज्ञावालीले बताए । नेपाल भलिवल संघको समन्वयमा, पश्चिमाञ्चल भलिवल संघको संयोजन, पोखरा महानगरपालिकाको बिषेश सहयोग र सफल दुधको सहयोगमा उक्त प्रतियोगिता हुने भएको हो ।

 

 

Related posts

Leave a Reply

Your email address will not be published. Required fields are marked *