ताजा खबर

अर्मलाको घना बन क्षेत्र संरक्षण गर्न दुई वटा छुट्टा–छुट्टै उपभोक्ता समिती गठन

पोखरा, ९ पौष ।

पोखरा महानगरपालिका वडा नं १६ स्थित अर्मलाकोटमा रहेको बन क्षेत्रलाई सामुदायिक बनमा दर्ता गर्न दुई छुट्टा–छुट्टै उपभोक्ता समिती गठन भएको छ । अर्मला, कालीलेक सैनीडाँडा सामुदायिक वन उपभोक्ता समुह र म्हौधुँ, च्होगोे, अर्मला सामुदायिक वन उपभोक्ता समुह गडठन गरिएको हो ।

अर्मला, कालीलेक उक्त वन समुहको अध्यक्षमा तेज बहादुर गुरुङ चयन भएकाछन भने अर्को समुहको अध्यक्षमा सु.ईन्द्र बहादुर गुरुङ चयन भएका हुन् । समाज सेवी कर्णबहादुर गुरुङ्गको अध्यक्षता र सामुदायीक वन महासंघ गण्डकी प्रदेश उपभोक्ता समुहका सदस्य जीतबहादुर बस्नेतको उपस्थितिमा भएको उक्त भेलाले वन क्षेत्रले ठुलो भुगोल ओगटेकोले दुई वटा सामुदायिक समूह जिल्ला वन कार्यालय कास्कीमा दर्ता गर्ने निर्णय भएको जनाइएको छ । समितीको सल्लाहकारमा कर्णबहादुर गुरुङ्ग संयोजक, तेज बहादुर गुरुङ, दुर्गा बहादुर गुरुङ, दिल बहादुर गुरुङ, जुम प्रसाद गुरुङ, दिल प्रसाद गुरुङ र खिमबहादुर गुरुङ सल्लाहकार सदस्य रहेका छन्।

अर्मला कालीलेक सैनीडाँडा सामुदायिक वन उपभोक्ता समुहको चार किल्ला मध्ये पूर्व दक्षिण तर्फ सैनीडाँडाको चौतारी,नपटा सम्मको किनारा, क्रीमुस्यो खोला तल्लो दोभान,भैसीं खोला पश्चिम तर्फ बाँगेभीरको पूर्व सीमाना सम्म उत्तरतर्फ रमाको डांडा सबै र अन्नपूर्ण संरक्षण क्षेत्रको सिमाना सम्म तथा दक्षिण तर्फ गर्लाङ्ग रिञ्जे जाने गौँडामुख, खुशीपानी तेर्सो बाटो, पत्थरी भिर, पुर्जे पाखा सम्मको सिमाना रहेको छ ।

त्यसै गरि म्हौधुँ, च्होगोे, अर्मला सामुदायिक वन उपभोक्ता समुह अन्तर्गत पुर्व दक्षिण तर्फ त्रिशुली भीरको जरा,प्रौँलवयडांडा, ठुलो ढुंगा, क्युप्रहोँ थेवा डांडा पूर्व पट्टिको पाखा सम्म,चिविरको डांडा,अर्मलावाट आँटी घर जाने तेर्साे मोटर बाटोको सवेडाँडाको खोला सम्म र त्यहाँ बाट दक्षिण तिर कुरागाउँ पश्चिम उत्तर तर्फ मीखुत्हुँ डाँडा हुँदै उत्तर दक्षिण तर्फ मैजेडाँडाको देउराली बाटो,ओलल्होबाट ¥याले पात्लेको सिमाना माथि धर्ती फाटाको खर्क सहित तथा दक्षिण पश्चिम तर्फ म्हौँधु थानको वन क्षेत्र सहित पश्चिम आवधी क्षेत्र सम्मको क्षेत्रफल ओगटेको छ ।

गुरुङ समुदायकोे विशेष वाहुल्य रहेको अर्मलाको बन क्षेत्र परम्परागत रुपमा नै उपभोग हुँदै आइरहेकोमा उक्त क्षेत्र ठूलो वन क्षेत्र भएकोले संरक्षणका लागि दुई उपभोक्ता समिती गठन गरिएकोे अध्यक्ष तेज बहादुर गुरुङले जनाए । बनको ठुलो क्षेत्र भएकोले त्यसको रेखदेख र संरक्षमा दुई समिति गठन भए पनि समन्वय गर्दै अघि बढ्ने भएको उनले जनाए ।

 

Related posts