ताजा खबर

पश्चिमाञ्चलमा ७८ प्रतिशत, कास्कीमा भने ८५ प्रतिशत धान रोपाई सकियो

दिननाथ बराल,
पोखरा २०७२  साउन ११,

साउन महिनाको ११ गते वितिसक्दा पश्चिमाञ्चल क्षेत्रमा ७८ प्रतिशत मात्र धान रोपाई सकिएको छ । क्षेत्रिय कृर्षि निर्देशनालयका बरिष्ठ कृषि प्रसार अधिकृत हृदयनाथ घिमिरेका अनुसार पश्चिमाञ्चल क्षेत्रमा आईतबारसम्मको तथ्याङकको आधारमा ७८ प्रतिशतले २ लाख ४४ हजार ८ सय ५ हेक्टर क्षेत्रफलमा धान रोपाई सकिएको छ ।

घिमिरेका अनुसार ३ लाख १५ हजार ४ सय ३८ हेक्टर क्षेत्रफल पश्चिमाञ्चल क्षेत्रमा धान रोप्ने गरेको खेति योग्य जमिन रहेको छ । पश्चिम क्षेत्रमा अब २२ प्रतिशत जसो मात्र धान रोप्न बाँकी रहेको छ । उनका अनुसार पश्चिमाञ्चल क्षेत्र अन्र्तगत सवै भन्दा धेरै नवलपरासि र सवै भन्दा कम गोर्खामा धान रोपाई भएको छ । नवलपरासिमा ९८ प्रतिशत धान रोपाई सकिएको छ । बरिष्ठ कृषि प्रसार अधिकृत घिमिरेका अनुसार नवलपरासिमा ४४ हजार ८ सय हेक्टर क्षेत्रफलमा धान रोपाई भएको छ भने अब २ प्रतिथशत मात्र धान रोपाई हुन बाँकी रहेको छ । त्यसै गरी गोर्खा जिल्लामा भने ५५ प्रतिशत मात्र धान रोपाइ भएको छ । बर्षा कम भएको कारणले गर्दा गोर्खामा हालसम्म १२ हजार ८९ हेक्टर क्षेत्रफलमा धान रोपाईको जमिन योग्य भए पनि हालसम्म ६ हजार ६ सय ४९ हेक्टरमा मात्र धान रोपाई भएको उनले बताए । मनाङ र मुस्ताङमा भने खासै धान रोपाई हुदैन ।

त्यसै गरी कास्कीमा भने आईतबारसम्ममा ८५ प्रतिशत धान रोपाई सकिएको छ । जिल्ला कृषि विकास कार्यालय कास्कीका प्रमुख रमेश प्रसाद कोईरालाका अनुसार कास्कीमा १५ प्रतिशत धान रोप्न बाँही रहेको छ । कास्कीमा २६ हजार ५ सय रोपनी क्षेत्रफलमा धान उत्पादन हुने गरेको छ । कास्कीमा प्रायः गरी जेठोबुढो, राधान, खुमल ४, खुमल ८, खुमल १०, सुख्खाधान लगायतका धानको जात हुने गरेको छ । मकैबारी तथा केहि टारी खेतमा धान रोप्न बाँकी रहेको उनले जनाए । कार्यालयले यस बर्ष करीब २ ट्रन धानको विउ वितरण गरेको थियो ।

Related posts

Leave a Reply

Your email address will not be published. Required fields are marked *