वासिंटन, २०७२ असार २६,
अमेरिकी अधिकारीले २.१५ करोड कर्मचारीको गोप्य सूचना रहेका डाटा चोरिएको बताएका छन् । अधिकारीहरूका अनुसार नोकरीका लागि आवेदन दिएका मानिस, संघीय ठेकेदार तथा त्यहाँ सहभागीबारेको डाटा चोरिएको छ । यो संख्या यसअघि डाटा चोरी भएको अनुमान गरिएको भन्दा पाँच गुणा बढी हो । अप्रिलमा खुलासा भएको यो ह्याकिङमा चीनको संलग्नता भएको अमेरिकाले आरोप लगाएको छ । तर, चीनले यसको खण्डन गर्दै आएको छ । चीनले अमेरिकी आरोपलाई गैरजिम्मेवार तथा अवैज्ञानिक भन्दै आएको छ । यो चोरीपछि अमेरिकी सुरक्षा व्यवस्थाको तिखो आलोचना भएको छ । यस विषयमा अमेरिकी संसद्मा पनि बारम्बार बहस भएको छ । तर, प्रभावकारी कदम चाल्न सकिएको छैन ।
स्रोत : नया पत्रिका
