ताजा खबर

राजीनामा नदिएको ब्लाटरको दाबी

 २०७२  असार १२,

मैले राजीनामा दिएकै छैन, फिफाको नयाँ कंग्रेस नहुँदासम्म मात्र पछाडि हटेको हुँ, गत २ जुनको भाषणमा राजीनामाको शब्द नै उच्चारण गरेको थिएन, केवल पछाडि हट्ने मात्र भनेको थिएँ जुरिच/ सेप ब्लाटरले फिफा अध्यक्षबाट राजीनामा नदिएको दाबी गरेका छन् । फिफाको साधारणसभा गराउनका लागि मात्र पछाडि हटेको ब्लाटरले जनाएका छन् । २ जुनपछि पहिलोपटक सार्वजनिक कार्यक्रममा उपस्थित भएका ब्लाटरले कहीँ पनि राजीनामा शब्द उल्लेख नगरेको दाबी गरेका छन् ।

पाँचौँपटक कार्यभार सम्हालेको चौथो दिनै ब्लाटरले जुरिचस्थित फिफाको मुख्य कार्यालयमा पत्रकार सम्मेलन गरी अध्यक्षबाट राजीनामाको घोषणा गरेका थिए । ब्लाटरको राजीनामासँगै अन्तर्राष्ट्रिय फुटबलमा ठूलो हलचल मच्चेको थियो । ‘मैले राजीनामा दिएकै छैन, फिफाको नयाँ कंग्रेस नहुँदासम्म मात्र पछाडि हटेको हुँ,’ स्विस समाचारपत्र ब्लिन्कसँगको कुराकानी क्रममा ब्लाटरले भने, ‘सो भाषणमा मैले राजीनामाको शब्द नै उच्चारण गरेको थिएन, केवल पछाडि हट्ने मात्र भनेको थिएँ ।’ फिफाको नयाँ कार्यसमिति नचुनिँदासम्म आफू नै अध्यक्ष रहेको उनको भनाइ छ ।

‘फिफाको साधारणसभाबाट नयाँ अध्यक्ष नआउँदासम्म म नै अध्यक्ष हुँ,’ उनले भने । नयाँ कार्यसमितिले फिफामा भइरहेको भ्रष्टाचारको छानबिन गर्नेछ । यता फिफाले शुक्रबार विज्ञप्ति जारी गर्दै ब्लाटरको भनाइ मान्न नसकिने उल्लेख गरेको छ । ब्लाटरको भनाइ अचानक परिवर्तन हुँदा आश्चर्य लागेको फिफाले जनाएको छ । ‘के कारणले ब्लाटरले आफ्नो भनाइ परिवर्तन गरे, त्यो बुझिनसक्नु छ,’ फिफाको विज्ञप्तिमा भनिएको छ, ‘अहिले ब्लाटरले झुट बोलेका छन्

स्रोत : नया पत्रिका

Related posts