ताजा खबर

प्राधानमन्त्री कप महिला राष्ट्रिय क्रिकेट प्रतियोगितामा मंगलबार सेमीफाइनलका खेलहरु हुने

दिननाथ बराल

पोखरा,  जेठ ३२,

प्रधानमन्त्री कप महिला राष्ट्रिय क्रिकेट प्रतियोगिता अन्र्तगत मंगलबार पोखरा रंगशालामा सेमिफाइनलका खेलहरु हुने भएका छन ।

डिफेण्डीङ च्याम्पीयन सशस्त्र प्रहरी वलको एपिएफ बिरुद्ध क्षेत्र नम्बर ९ धनगडी विच पहिलो सेमिफाईनल खेल हुने भएको छ । त्यसै गरी दोश्रो सेमिफाईनल खेलमा क्षेत्र नम्बर ७ जनकपुर र क्षेत्र नम्बर १ विराटनगर विच हुने भएको आयोजक क्षेत्रिय क्रिकेट विकास समिति क्षेत्र नम्बर ८ पोखराले जनाएको छ ।

समुह एको विजेता एपिएफले समुह बीको उपविजेता धनगडीसंग पहिलो सेमिफाईनलमा यात्रा बनाउदा समुह बीको विजेता क्षेत्र नम्बर ७ जनकपुर समुह एको उपविजेता क्षेत्र नम्बर १ विराटनगरसंग सेमिफाईनलमा यात्रा बनाएको हो । एक विभागिय टोली सहित १० टोलीको सहभागिता रहेको प्रतियोगितामा लिग चरणबाट ६ वटा टिम प्रतियोगिताबाट बाहिरिएका छन । चितवन र पोखरामा लिगचरणका खेलहरु भएका हुन ।

प्रतियोगितामा सहभागि समुह एबाट क्षेत्र नम्बर ३ काठमाण्डौं, क्षेत्र नम्बर ५ नेपालगञ्ज, क्षेत्र नम्बर ८ पोखरा र बाहिरिएका छन् भने समूह ‘बि’ बाट क्षेत्र नम्बर २ विरगञ्ज, क्षेत्र नम्बर ४ भैरहवा, क्षेत्र नम्बर ६ वैतडी प्रतियोगिताबाट बाहिरिएका हुन ।

Related posts